von Katharina Mahnke

»All Mannslüd an Burd! Wi warden nu losführn un ein Schipp öwerfolln!« – so füng uns Reis mit denn’ gefiehrlichen »Käpt’n Knitterbort un sien Bande» an. Up ehr Schipp, denn’ »Bläudig Hiering« kaperten Ida-Marie Brandt un Simon Grundbacher in disse Spältied oewer achtteihn Schaulen, Kinnergordens und Museen. Miehr as tweidusend Kinners kunnen se mitnähmen up ein plattdütschet Piratenawentüer, dat gor nich so blaudrünstig wier, as’n dat vermauden würd. Denn eigentlich güng dat mang de Seeröwers tämlich vergnäucht tau. Dor vertellte de Fiese Freddy, wat ein Stüermann so tau dauhn hett, de Smutje Säbeltom servierte »Pinguin, in Schieben snäden mit Seegurkenhack« un de Blinde Hein in’n Utkiek reep Alarm, wenn he an Horizont anner Sägel seihn kunn. Dat gäw also väl tau liehren för de lütten Landratten.

zur aktuellen Ausgabe