von Hans-Joachim Schultz

Dat mütt in de Tied west sien, ass ick noch sotoseggen bi mien Vadder inne Lehr weer, vun door heff ick een Beleevnis heel goot behollen, un dat weer, ass wi de Kraak bemööt sünd. De »Kraak«, ick glööv, dat seggt ju nu gunnix, oder?

Also: Damals gääv dat noch de innerdüütsch Grenz, de ja heel goot bewacht weer, un dat nich bloots an Land! Nee, ook in de Lübsche Bucht, wo de Grenz meern dör’t Water güng, nich alltoo wiet ööstlich vun de Fahrrinn. Dat gääv Tunn, de se markeern, man de harrn een heel grooten Affstand vun’n anner. Wiet buten, so üm un bi vör Klützhöved in Meckelborg, lääg avers een Kriegschipp vunne DDR, sotoseggen een swümmen Wachturm – un dütt Schipp heet in Volksmund »Kraak«, ass düsse Dintenfisch mit de 8 Arms – Fraag mi nich, worüm!

zur aktuellen Ausgabe